ÉRASE UNHA VEZ... UN NOVO COMEZO, UNHA NOVA AVENTURA!!
Xa estamos xuntiñas e xuntiños un curso máis, desexando vivir novas aventuras, experiencias e descubrimentos apaixonantes da man de compis, profes, e... por suposto... do noso amigo Librincios!!, que, xunto aos seus axudantes, está a preparar con moito agarimo a nosa Biblio para que axiña poidamos gozar dela e de todas as historias que están a agardar por nós nos seus andeis , comezando así unha emocionante viaxe que nos levará a mil e un lugares sorprendentes e marabillosos.
Librincios está moi impaciente xa por comezar, e ten a súa maleta preparada... cheíña de moitas sorpresas e, sobre todo, de toneladas de ilusións e soños por cumprir.
E vós? Tendes a vosa maleta preparada xa? Bulide!, que a piques estamos de partir!
Ningún comentario:
Publicar un comentario