CONTACONTOS DA 1º AVALIACIÓN

COMPARTINDO HISTORIAS

Ao longo da avaliación que acabamos de rematar,  moitas foron as historias, libros e contos que compartimos dende a Biblioteca para grandes e pequenos. Entre outros: "LA JOYA INTERIOR" Anna Llenas para 5º e 6º EP, "A PANTASMA DAS BRAGAS ROTAS" Jose Carlos Andrés para 3º e 4º EP, "O MONSTRUO E A NENA" Sergio Costas Chaos para E.I., "MARUXA" Eva Mejuto para E.I., "SILFORIÑA" Golfiños para E.I., "WONDER" R.J. Palacio para 5º e 6º EP, "VALENTINA NUNCA CALAS E O MONSTRO DA MEDIA CARA" Charo Pita para todo o alumnado, "O REVÉS" Florence Hinckel para 5º e 6ºEP.

Deixamos unhas pequenas mostras destes contacontos que fixemos no cole no 1º trimestre

ED. INFANTIL: "MARUXA"

ED. INFANTIL: "O MONSTRUO E A NENA"

3º e 4º EP: "A PANTASMA DAS BRAGAS ROTAS"

E NA VINDEIRA AVALIACIÓN... MÁIS HISTORIAS PARA COMPARTIR!!

EXPOSICIÓNS 1ª AVALIACIÓN

APRENDENDO XUNTOS/AS

A puntiño de irnos de vacacións de Nadal, os nenos e nenas de 2º, 3º e 4º E.P. compartiron connosco todo o que descubriron e aprenderon nesta avaliación sobre as Olimpíadas. Traballaron moitísimo e fixeron uns proxectos a mar de interesantes: investigaron sobre a súa historia, os países que as acolleron ata agora e as súas mascotas, os deportes que as integran... 

Felicidades. Fixéstelo xenial!!! 

👉PREME AQUÍ : EXPOSICIÓN DE 3º e 4º E.P.

👉CLICA NA IMAXE: EXPOSICIÓN DE 2º E.P.

RECOMENDACIÓNS DE NADAL

 LIBRINCIOS RECOMENDA...

Como cada Nadal, desde a Biblioteca do Cole, Librincios recoméndavos uns pouquichiños libros e xogos, non vaia ser que Papá Noel e os Reis Magos queden sen ideas!!!

Feliz Nadal e moi boas lecturas!!!

APERTURA DA B.E. CURSO 24-25

 VOLTAMOS Á BIBLIO CON LIBRINCIOS!

O xoves 17 de outubro, recibimos unha carta do noso amigo Librincios dándonos a benvida a este novo curso. Fíxonos moita ilusión porque ademais da carta, deixounos tamén uns regaliños ...  Que ilusión atopar todos estes agasallos ao chegar ao cole!.

Pero isto non é todo!! Ademais, entre os regalos atopamos un sobre con fotos de cada neno e nena da clase. Na carta, o noso Librincios explicábanos todiño todo o que tiñamos que facer con elas... Queres saber como recibimos todas esas cousiñas? Pincha na imaxe!!!

PREPARADOS... PREPARADAS? COMEZAMOS!!!

 XA ESTAMOS DE VOLTA!!

De novo xuntos para unha nova aventura na que os protagonistas  serán os nenos, nenas, familias e profes. O paxariño máis famoso da Serra, Librincios, está xa preparando o seu niño para recibirnos e compartir connosco unha chea de experiencias a mar de emocionantes.

E o primeiriño que quere compartirnos e...

PLATAFORMA DE PRÉSTAMOS DE LECTURA DIXITAL E-LBE.2

Nos próximos días, as nenas e nenos de nova incorporación ao centro levarán para casa o NOME DE USUARIO e CONTRASINAL para poder acceder e facer uso da PLATAFORMA DE LECTURA DIXITAL E-LBE.2, cuxo obxectivo é achegar a lectura dixital a nenos, nenas e familias. O resto do alumnado continuará empregando as credenciais facilitadas no pasado curso.

A CONTRASINAL a podedes cambiar se así o considerades (NON así o NOME DE USUARIO). Se optades por cambiala por outra lembrade gardala, xa que para nos sería moi complicado poder recuperar esa conta. Se non modificastes a contrasinal e por algún motivo extraviastes estas credenciais que nós vos facilitamos no seu momento, facérnolo saber, tentaremos volver a enviárvolas.

Lembrade que podedes visualizar o libro ou libros escollidos no ordenador, descargando unha aplicación para Windows no Microsoft Store (precisades crear unha conta se non a tedes). Tamén os podedes visualizar no teléfono móbil  ou tablet descargando a app no Play Store, Apple Store ou Microsoft Store (a aplicación é a de Lectura Dixital ELBE.2)

O libro/s que escollades (máximo 2 de xeito simultáneo), o teredes en préstamo durante 15 días en formato dixital. No presente curso, poderanse coller emprestados nesta plataforma ata un total de 10 títulos.

Por último, para acceder á "Plataforma Dixital ELBE.2" clicade aquí embaixo e xa poderedes acceder á Biblioteca Dixital. Introducide o Nome de Usuario e Contrasinal que vos enviaremos dende o centro e buscade o libro ou libros que os peques da casa queiran ler (tamén vós podedes escoller lecturas!!). Unha vez seleccionado, vos indicará a mesma plataforma todo o que precisades e os links para a descarga.

PREME AQUÍ PARA ACCEDER Á PLATAFORMA