VACACIÓNS DE VERÁN 2023-2024

🌞 DESPEDÍMONOS ATA SETEMBRO!!🌞

OS MÁIS LECTORES e LECTORAS do CURSO 23-24

NOTICIA DE LIBRINCIOS!!

O noso amigo Librincios, despois de moito investigar, atopou aos nenos máis lectores deste curso que xa remata. Custoulle moitísimo decidirse, aos nenas e nenos de Vincios gústalles moito ler os libros e contos que cada curso Librincios ten preparados para todos eles no cole!!

PROXECTO ANUAL: COIDAMOS O PLANETA

 EXPOSICIÓNS 1º e  2º E.P.

Na 3ª avaliación, os nenos e nenas de 1º e 2º E.P. amosáronnos todo o que investigaron e aprenderon sobre o coidado do noso Planeta cos Proxectos que levaron a cabo ao longo deste curso.

Da man de 2º, descubrimos, e os profes lembramos, a traxedia que o afundimento do Prestige supuxo para as nosas costas galegas hai xa 20 anos, e como afectou na fauna e na flora mariña e nas praias afectadas. 

No blog do 1º ciclo E.P. (Blogue das mestras LUCÍA e CRIS) poderás ver o moito que traballaron e o ben que o pasamos!

PREME AQUÍ PARA VER O VÍDEO

E as nenas e nenos de 1º P. aprendéronnos unha cheíña de cousas interesantes que temos que ter moi presente para coidar a casa de todos nós: o noso Planeta Terra!

PREME AQUÍ E VERÁS O MOITO QUE TRABALLARON

 

RECREOS DIVERTIDOS NA AULA DOS SOÑOS

Rematamos este curso cheo de alegrías e momentos moi divertidos na Aula dos Soños. Só esperamos que o curso que ven sexa igual ou mellor. BO VERÁN A TODOS E A TODAS, e grazas por estes momentos compartidos!!!!

DÍA MUNDIAL DA POESÍA

 FESTEXAMOS A POESÍA

Vincios é unha terra de grandes poetas, e como mostra,  Librincios déixavos aquí este mural tan fermoso no que as nenas e nenos do cole, dende o mes de abril, fomos deixando os nosos pequenos poemas.

Canta maxia agochada nestas pequenas verbas!