Ola familias!
O proxecto piloto ELBE.2 forma parte do Plan LIA . Busca que profesorado e alumnado coñezan de primeira man a lectura dixital. De aí que todo o alumnado dispoña dun nome de usuario e dunha contrasinal para poder acceder a esta biblioteca dixital, na que podedes seleccionar un libro para ler e que teredes en empréstito 15 días en formato dixital.
Podedes visualizar o libro no ordenador, descargando unha aplicación para Windows no Microsoft store (precisades crear unha conta se non a tedes). Tamén o podedes visualizar no móbil ou tablet descargando a app no Play Store, Apple Store ou Microsoft Store (a aplicación é a de Lectura dixital Elbe.2).
De todos os xeitos, se clicades sobre a imaxe seguinte xa podedes acceder á biblioteca. Introducide o nome de usuario e contrasinal que vos enviaremos desde o centro e buscade o libro que queirades ler. Unha vez seleccionado, xa se vos indica o que precisades e os links para a descarga.
Nuns días empezarán a chegarvos os datos que precisades. Un saudiño e a pasar un bo rato de lecer!
Ningún comentario:
Publicar un comentario