Este curso fomos un dos 20 Centros de Galicia seleccionados para participar no proxecto Escornabots na Biblioteca escolar, convocado pola Asesoría de Bibliotecas escolares.
O pasado 13 de maio, a nosa compañeira Ana asistiu á sesión de formación inicial para aprender a montar o pequeno robot chamado Escornabot. Cando voltou... quedamos abraiados! Xa funciona!
 |
| Momentos da sesión de formación. Que contrados están todos os profes! |
Agora temos que montar entre todos tres robots máis e poñelos en funcionamento para traballar as múltiples actividades que temos pensadas. Hoxe, por exemplo, puxémolo algo monstruoso para visitar aos máis pequenos...
Este robot é froito dun proxecto de Bricolabs, unha asociación creada para compartir experiencias en torno á tecnoloxía. O Proxecto Escornabot está realizado exclusivamente con software libre e pensado para achegar a robótica aos máis pequenos.
 |
| Aprendendo a programar o pequeno robot. |
Considerámonos moi afortunados por poder participar e aprender xunto co resto de Centro elixidos. Xa vos iremos contando como traballamos co noso pequeno novo amigo.
Ningún comentario:
Publicar un comentario