luns, 27 de maio de 2024

OBRADOIRO DE XOGUETES SONOROS!

Achégase o final de curso e o pasado 21 de maio puidemos disfrutar todo o cole dun obradoiro que xurdiu desde a Biblioteca Creativa. Foi levado a cabo por Miudiño, e estivemos argallando con diferentes recursos naturais como canas, noces, paus, carozos... e outros materiais de refugallo para darlle unha segunda vida e conseguir transformalos en verdadeiros instrumentos musicais como o mirlitón, reque reque, bate bate, sistro...

Foi unha xornada moi entretida na que descubrimos os verdadeiros e verdadeiras artistas que temos no noso cole!









martes, 30 de abril de 2024

23 de ABRIL: DÍA INTERNACIONAL DO LIBRO

 CONTACONTOS POLO DÍA DO LIBRO

En novembro de 1995, a UNESCO decidiu establecer o 23 de abril, como o Dia Internacional do Libro, convertíndose nunha celebración a nivel mundial, aínda que a súa orixe remóntase ao ano 1926, moi pretiño de nós, en Cataluña. Nos primeiros anos, celebrábase o 7 de outubro, pero no ano 1930, os cataláns decidiron fixar este festexo o día 23 de abril.

Pero, por qué o 23 de abril? Pois moi sinxelo!! Este día, alá polo ano 1616, finaban escritores tan importantes na cultura mundial como Miguel de Cervantes Saavedra, autor do libro "El Ingenioso Hidalgo Don Quijote de la Mancha" (1605-1615 a segunda parte); William Shakespeare, autor de "Romeo y Julieta" (1595); Inca Garcilaso de la Vega, que no ano 1605, publicou "La Florida del Inca".

Así que, no cole, para festexar este día, recibimos a visita de Marisa Irimia, unha contacontos e ilustradora galega que comparitiu connosco "O Libro dos Pós Máxicos", que tiña agochados no seu interior príncipes moi caprichosos, raíñas e reis mortiños de soño, sapos e sapas, un crocodilo que quería ser un tren... ata unha moto había!


Moitas grazas Marisa por pasar este día tan especial connosco!!



martes, 23 de abril de 2024

VAI DE CONTACONTOS!

 COMPARTINDO HISTORIAS

O día 15 deste mes de abril,  os nenos e nenas de 2º ciclo E.P. compartiron coa profe Carmen unha bonita historia... " A VECES" de Claudia Rueda, un emotivo relato sobre como, ás veces, os sentimentos revoluciónannos e superan... facendo que nos sintamos un pouquiño perdidos.










luns, 15 de abril de 2024

EXPOSICIÓN 5º e 6º E.P. "COIDAMOS O PLANETA: REDUCIÓN DE RESIDUOS"

PATRULLA PLANETA 5ºP. e 6ºP. (Exposición 2ª Av.)

A profe de 6º E.P.,  preparou este fermoso vídeo para que poidamos gozar da exposición que fixeron a pasada avaliación os nenos e nenas do 3º ciclo de Primaria: un museo moi especial cheíño de xogos, consellos, información...  sobre a reciclaxe e o coidado do noso Planteta. Neste vídeo podes facer un pequeno percorrido por cada parte da exposición dos maiores do cole.

Pincha neste enlace e verás todo o que traballaron!!

EXPOSICIÓN BIBLIO 5º E 6º

Moitas felicidades. O pasamos xenial !!



martes, 26 de marzo de 2024

EXPOSICIÓNS 2º AV. PROXECTO BIBLIOTECA

 EXPOSICIÓNS 2ª AV. "COIDAMOS O PLANETA: REDUCIÓN DE RESIDUOS"

A semana do 18 ao 22 de marzo, os protagonistas do cole foron os nenos e nenas de E.I. e 5º/6º E.P. (tamén as súas mestras!). Para amosarnos todo o que investigaron e traballaron ao longo destas dúas avaliacións sobre o coidado do Planeta e da nosa contorna, preparáronnos cousiñas a mar de interesantes. O pasamos xenial! Foron uns días moi divertidos participando nas propostas dos nosos compis e descubrindo con eles todo o que argallaron ao longo destes meses. 

Moitas felicidades polo voso traballo! Queremos máis... divertímonos un montón!

Para que vexas o ben que o fixeron, deixamos esta pequena mostriña...


Que xincana tan entretida organizaron os peques de E.I. e as súas mestras! Guiados por un plano e traballando en equipo, chegamos a  uns códigos QR agochados polo cole, nos que descubrimos mensaxes con información e consellos moi interesantes preparados polos máis cativos e cativas. Sodes uns artistas!

E que dicir dos máis mairoes... Na Aula dos Soños argallaron unha super exposición onde puidemos gozar dunha chea de xogos feitos a partir de material de refugallo e tamén aprendemos moitas cousiñas que estiveron investigando e preparando para todos e todas nos. Que ben explicaron todo! O pasomos xenial xogando e escoitando o moitísimo que sabedes do noso Planeta e como coidalo!

Queremos máis xogos!