APPs E LIBROS

Como ben sabedes, achégase o Día do Libro (23 de abril) e, para ir quentando motores, estamos a facer unhas actividades moi interesantes e divertidas nas aulas.

Ao longo desta semana contamos con seis iPads para crear e contar contos e bandas deseñadas.

Este luns viñeron ao cole os responsables de Creappcuentos para ensinarnos a súa nova aplicación CREATALES. As aulas de 5 anos, 3º e 4º pasaron unha sesión moi entretida inventando contos, cambiando o final aos máis clásicos, introducindo personaxes sorprendentes na historia doutros...

Aquí vos deixamos algunhas fotos desta sesión de formación de usuarios e, moi pronto, deixaremos que vexades as nosas creacións.