Os padriños e madriñas lectoras da aula de 3 anos (que son os alumnos de 3º) baixaron hoxe a axudar aos seus afillados a escribir a Carta ás súas Maxestades os reis Magos de Oriente.
A verdade é que prepararon con moito cariño e esmero as misivas antes de poñerse codo con codo a pedir agasallos e escribir. Charlaron sobre o comportamento deste ano e, dependendo da valoración do mesmo, puideron elixir un ou varios xoguetes.
Foi un traballo conxunto que, dende fóra, merecía a pena observar... Cantos agarimos, cantas risas, canto amor... canta felicidade concentrada nunhas liñas!
Ao rematar, os pequenos tiñan preparado unha preciosa sorpresa para os maiores: uns adornos para a árbore de Nadal que eles mesmos fixeron con plastilina caseira!
Estamos todos encantados con esta actividade!
Mirade que vídeo tan bonito e tenro!
Ningún comentario:
Publicar un comentario