Obra de Teatro

Como despedida do centro, o alumnado de 6º de Educación Primaria quixo agasallarnos cunha divertida e especial representación teatral: A moi catastrófica visita ao zoo. 🦁🐒🦓

Durante a obra, o alumnado converteuse en actores e actrices para ofrecernos unha historia chea de humor, aventuras, animais e situacións disparatadas, demostrando todo o traballo, a ilusión e a creatividade que puxeron nesta experiencia.

Foi unha ocasión moi especial para compartir coa comunidade educativa o seu talento e, sobre todo, para despedirse do centro deixando atrás risas, emocións e un fermoso recordo.