Ola a todos dende Marrocos!
Agardo que estedes todos ben e... na casa!
Vín que as profes deixan cada día unha lectura para a Hora de ler e quixen sumarme a esta iniciativa tan boa e contarvos un conto, que xa sabedes vós que a mín, me encanta :)
Seguro que ademais, nestes tempos tan raros que estamos a vivir, sacádeslle proveito (por iso de non dar puntada sen fío!).
Que aínda non sabedes que son? Pois a ver se co vídeo...
Logo da lectura, se queredes, podedes facer os vosos propios SACAPENAS... É moi sinxelo!
As imaxes son da profe Nuria (que tamén estivo no cole un tempo) e que quixo participar da actividade.
Material que se precisa. |
Cortamos un anaquiño do rolo de cartón. |
Pegamos o que serán as extremidades. |
Preparamos o pelo e comezamos a vestilo. |
Podemos poñer as cores que queiramos... |
Xa os temos listos para contarlles as nosas penas :) |
Un bico enorme para todos. Quero que saibades que boto moito de menos o cole, e a vós; pero estou segura de que volveremos vernos!
Ningún comentario:
Publicar un comentario