Hoxe acudimos á Biblioteca para pechala... Ata o curso que ven, non vos asustedes!
Tocou facer balance e recoñecer a labor que fan os nosos Axudantes de biblioteca e o esforzo de moitos usuarios pola súa participación nas actividades e polo uso dos recursos que ofrece.
Para comezar a clausura, un diploma e un forte aplauso por parte de todos para agradecer aos alumnos voluntarios a súa colaboración coa Biblioteca. Gracias de novo!
Foron eles, os Axudantes, os encargados de facer entrega dos premios do concurso Atopa a resposta!. Todos aqueles que superaron un mínimo de 4 retos dos propostos durante os recreos, recibiron un pequeno agrasallo polo seu logro! Agardamos que o vindeiro curso sexan moitos máis. Noraboa!
Para rematar, a nosa coordinadora entregou o premio ás máis lectoras deste curso. Menudo nivel ao que chegaron! Noraboa a todas! Sobre todo, por elixir a lectura para o tempo de lecer.
Así, logo de agradecer a todos os asistentes a súa presenza, pois eles fan posible esta Biblioteca, demos por pechado o curso, do que nos despediremos definitivamente o mércores 20 dando por última vez Un paseo pola Historia.
Parabéns a todos os gañadores e gañadoras dalgún fantástico premio por participar nalgunha actividade que tivera que ver con esta maravillosa biblioteca.
ResponderEliminarMoitos parabéns, Xiana 5º E.P