Estes días, os padriños e madriñas do cole estiveron moi ocupados.
Chegando estas fechas, todos sabemos que é moi importante escribir aos Reis Magos para contarlles o ben que nos portamos e as cousiñas que imos pedir como agasallos.
Pois ben, os nenos e nenas máis pequenos do cole contaron coa colaboración dos seus padriños e madriñas para poder realizar esa tarefa.
Os maiores deseñaron a carta con todo o cariño para sorprender aos seus afillados e escribiron ás súas Maxestades con eles.
Esta é unha actividade que gusta a todos e nos deixa cada ano momentos cheos de maxia, de ilusión e de tenrura.
Botádelle un vestazo ao vídeo que fixemos coas fotos desta actividade entre o alumnado de 4º e o de 4 anos. Premede na imaxe para velo.
Ningún comentario:
Publicar un comentario